Yana buxe mana rahamarsa. “Abin da Allah ya buxewa mutane na rahamarsa babu mai riqe shi” (Faxir : 2)
Ya buxe mana, mu da ku albarkarsa, ya ba mu wani abu daga cikin falalarsa da kyautarsa, ya qara mana daga afuwarsa da kyautarsa.
Shi ne Allah mai buxe abin da ya rufe zukata, da mabuxan shiriya da imani
Yana buxe qofofin rahama ya sako ta, ya kwararo musu ni’ima, ya qara, ya buxe musu hasken ilimi da hikima ga hankulansu, ya qawata su, ya buxe zukata da imani ya shiryar da su.
Wanda yake yaye wa bayi damuwa, ya yaye musu baqin ciki da duk wata cuta.
Wanda yake buxe kofar adalci ga bayinsa a lahira, shi ne majivinci sha yabo.
